షేర్: f 𝕏 ✉ ✈ in @
globaltimestelugu.in 21 నవం 2026, 4:26 ఉద.
విద్య

Watch: వైద్య విద్యార్థినిని.. కాలేజీ క్యాంపస్‌ నుంచి కిడ్నాప్‌ చేసిన కుటుంబ సభ్యులు, వీడియో వైరల్‌

World news in Telugu, you can trust
ప్రచురణ తేదీ: 21 నవం 2026, 4:26 ఉద. రచన: One News Desk
0 వ్యాఖ్యలు
Watch: వైద్య విద్యార్థినిని.. కాలేజీ క్యాంపస్‌ నుంచి కిడ్నాప్‌ చేసిన కుటుంబ సభ్యులు, వీడియో వైరల్‌

బెంగళూరు: వైద్య విద్యార్థిని మతాంతర వ్యక్తిని ప్రేమించడంపై ఆమె కుటుంబ సభ్యులు ఆగ్రహించారు. ఒక వాహనంలో ఆ మెడికల్‌ కాలేజీ క్యాంపస్‌కు చేరుకున్నారు. ఆ యువతిని బలవంతంగా వాహనంలోకి ఎక్కించి అక్కడి నుంచి తీసుకెళ్లారు. ఈ నేపథ్యంలో ఆ విద్యార్థిని కుటుంబ సభ్యులపై కిడ్నాప్‌ కేసు నమోదైంది. (Medical Student Kidnapped) కర్ణాటకలోని మంగళూరులో ఈ సంఘటన జరిగింది. నవంబర్‌ 19న సాయంత్రం వేళ కనచూర్ మెడికల్ కాలేజీ క్యాంపస్‌లోకి థార్‌ వాహనం వచ్చింది. వైద్య విద్య చదువుతున్న విద్యార్థినిని కొందరు వ్యక్తులు బలవంతంగా ఆ వాహనం వద్దకు ఈడ్చుకొని వచ్చారు. ఆమెను అందులోకి ఎక్కించుకుని తీసుకెళ్లారు. హిందూ మతానికి చెందిన వ్యక్తితో ఆ ముస్లిం యువతి ప్రేమలో ఉండటంతో ఆమె కుటుంబ సభ్యులు అసంతృత్తితో ఈ చర్యకు పాల్పడినట్లు తెలుస్తున్నది.

కాగా, మెడికల్‌ కాలేజీ క్యాంపస్‌ నుంచి విద్యార్థిని కిడ్నాప్ కావడం కలకలం రేపింది. ఆ కాలేజీ యాజమాన్యం దీనిపై పోలీసులకు ఫిర్యాదు చేసింది. ఈ నేపథ్యంలో ఆ యువతిని క్యాంపస్‌ నుంచి బలవంతంగా తీసుకెళ్లిన ఆమె కుటుంబ సభ్యులపై పోలీసులు కిడ్నాప్‌ కేసు నమోదు చేశారు. దీనిపై దర్యాప్తు చేస్తున్నట్లు పోలీస్‌ అధికారి తెలిపారు. ఈ సంఘటనకు సంబంధించిన వీడియో క్లిప్‌ సోషల్‌ మీడియాలో వైరల్‌ అయ్యింది.

A medical student was allegedly abducted in broad daylight from Kanachur Medical College in Mangaluru. video shows a group forcibly dragging her into an SUV. The alleged motive? Her relationship with a Hindu man. https://t.co/WRqVKcwEgU

— Ghar Ke Kalesh (@gharkekalesh) November 20, 2026

#విద్య #ఆరోగ్యం
బెంగళూరు: వైద్య విద్యార్థిని మతాంతర వ్యక్తిని ప్రేమించడంపై ఆమె కుటుంబ సభ్యులు ఆగ్రహించారు. ఒక వాహనంలో ఆ మెడికల్‌ కాలేజీ క్యాంపస్‌కు చేరుకున్నారు. ఆ యువతిని బలవంతంగా వాహనంలోకి ఎక్కించి…