షేర్: f 𝕏 ✉ ✈ in @
globaltimestelugu.in 21 నవం 2026, 9:03 ఉద.
జాతీయం

Road accident | అదుపుత‌ప్పి డివైడ‌ర్‌ను ఢీకొట్టిన కారు.. ముగ్గురు దుర్మ‌ర‌ణం..!

World news in Telugu, you can trust
ప్రచురణ తేదీ: 21 నవం 2026, 9:03 ఉద. రచన: One News Desk
0 వ్యాఖ్యలు
Road accident | అదుపుత‌ప్పి డివైడ‌ర్‌ను ఢీకొట్టిన కారు.. ముగ్గురు దుర్మ‌ర‌ణం..!

Road accident : మితిమీరిన వేగంతో దూసుకెళ్తున్న కారు అద‌పుత‌ప్పి డివైడ‌ర్‌ను ఢీకొట్టిన ఘ‌ట‌న‌లో ముగ్గురు దుర్మ‌ర‌ణం పాల‌య్యారు. బాపట్ల జిల్లా కారంచేడు మండలం కుంకలమర్రు వద్ద జాతీయ రహదారిపై ఈ ప్రమాదం జరిగింది. ప్రమాదంలో ఇద్దరు వ్యక్తులు అక్కడికక్కడే మృతిచెందగా.. తీవ్రంగా గాయపడిన అశ్విని అనే నాలుగేళ్ల చిన్నారి ఆస్ప‌త్రిలో చికిత్స పొందుతూ మృతిచెందింది.

గుంటూరు, చిలకలూరిపేట ప్రాంతాలకు చెందిన పది మంది కారులో చీరాలకు సముద్ర స్నానాల కోసం వెళ్తుండ‌గా కుంకలమర్రు సమీపంలోకి రాగానే కారు వేగంగా వెళ్తూ అదుపుతప్పి డివైడర్‌ను బలంగా ఢీకొట్టి బోల్తాపడింది. ప్రమాదంలో గుంటూరుకు చెందిన పల్లపు లక్ష్మయ్య (65), చిలకలూరిపేటకు చెందిన గుంజి నాగేంద్రం (55) అక్కడికక్కడే మృతిచెందారు. తీవ్రంగా గాయపడిన నాలుగేళ్ల చిన్నారి అశ్వినిని ఆసుపత్రికి తరలించగా చికిత్స పొందుతూ మ‌ర‌ణించింది.

ప్రమాదంలో ముగ్గురు ప్రాణాలు కోల్పోవడంతో బాధిత కుటుంబాల్లో తీవ్ర విషాదం నెలకొన్న‌ది. కారులో ప్రయాణిస్తూ గాయ‌ప‌డిన మ‌రికొంద‌రు చీరాల ప్రభుత్వ ఆస్ప‌త్రిలో చికిత్స పొందుతున్నారు. చీరాల డీఎస్పీ మహమ్మద్ ఆధ్వర్యంలో పోలీసులు ఈ ఘ‌ట‌న‌పై కేసు నమోదుచేసి దర్యాప్తు చేస్తున్నారు.

#జాతీయం
Road accident : మితిమీరిన వేగంతో దూసుకెళ్తున్న కారు అద‌పుత‌ప్పి డివైడ‌ర్‌ను ఢీకొట్టిన ఘ‌ట‌న‌లో ముగ్గురు దుర్మ‌ర‌ణం పాల‌య్యారు. బాపట్ల జిల్లా కారంచేడు మండలం కుంకలమర్రు వద్ద జాతీయ రహదారిపై…