- అంత్యక్రియలకు హాజరు
చెన్నై, నవంబర్ 20: తమిళగ వెట్రి కళగం(టీవీకే) అధ్యక్షుడు, తమిళనాడు ముఖ్యమంత్రి జోసెఫ్ విజయ్ స్వయంగా పార్థివ దేహాన్ని మోశారు. టీవీకే ఎమ్మెల్యే వీఎస్ బాబు మృతదేహం ఉన్న పాడెను ఆయన నివాసం నుంచి అంత్య క్రియల వాహనం వరకు విజయ్ తన భుజాన మోశారు. గురువారం మరణించిన బాబుకు నివాళులర్పించిన విజయ్ శుక్రవారం జరిగిన అంత్యక్రియలకు హాజరయ్యారు.
దీర్ఘకాలంగా దవాఖానలో చికిత్స పొందుతూ గుండెపోటుతో బాబు గురువారం కన్నుమూశారు. బాబు పార్థివ దేహాన్ని పెరంబూర్లోని ఆయన నివాసం నుంచి అంతిమయాత్ర కోసం ఏర్పాటు చేసిన వాహనం వరకు మరో ముగ్గురితో కలసి విజయ్ తన భుజాలపై మోశారు. గతంలో డీఎంకే, ఏఐడీఎంకేలో పనిచేసిన బాబు ఈ ఏడాది ప్రారంభంలో టీవీకేలో చేరి అసెంబ్లీ ఎన్నికల్లో కొళత్తూరు నియోజకవర్గంలో డీఎంకే అధ్యక్షుడు, మాజీ ముఖ్యమంత్రి ఎంకే స్టాలిన్ను ఓడించారు.