షేర్: f 𝕏 ✉ ✈ in @
globaltimestelugu.in 20 నవం 2026, 7:29 ఉద.
బిజినెస్

కొనుగోలుదారులకు గుడ్ న్యూస్.. భారీగా పడిపోయిన బంగారం, వెండి ధరలు!

World news in Telugu, you can trust
ప్రచురణ తేదీ: 20 నవం 2026, 7:29 ఉద. రచన: One News Desk
0 వ్యాఖ్యలు
కొనుగోలుదారులకు గుడ్ న్యూస్.. భారీగా పడిపోయిన బంగారం, వెండి ధరలు!

Gold Silver Prices Fall: బంగారం, వెండి ధరలు దేశీయ మార్కెట్‌లో భారీగా పడిపోయాయి. నవంబర్ 20, శుక్రవారం ఉదయం ట్రేడింగ్ ప్రారంభమైన కొద్దిసేపటికే బులియన్ మార్కెట్‌లో అమ్మకాల ఒత్తిడి పెరిగింది. అమెరికా డాలర్ బలపడటం, బాండ్ ఈల్డ్స్ పెరగడం, ద్రవ్యోల్బణ ఆందోళనలు, ఫెడరల్ రిజర్వ్ వడ్డీ రేట్లను పెంచవచ్చనే అంచనాలు ఈ పతనానికి ప్రధాన కారణాలుగా నిలిచాయి.

MCXలో బంగారం, వెండి ధరలు ఇలా..

మల్టీ కమోడిటీ ఎక్స్ఛేంజ్ (MCX)లో డిసెంబర్ 4 డెలివరీకి సంబంధించిన గోల్డ్ ఫ్యూచర్స్ శుక్రవారం ఉదయం 9:01 గంటలకు 3.94 శాతం తగ్గి 10 గ్రాములకు రూ.1,22,430 వద్ద ప్రారంభమయ్యాయి. వెండి ఫ్యూచర్స్ కూడా 5.73 శాతం పడిపోయి కిలోకు రూ.1,48,466కు చేరాయి. ఉదయం 10:49 గంటల సమయానికి బంగారం ఫ్యూచర్స్ ధర 4.54 శాతం తగ్గి రూ.1,21,663కు, వెండి ధర 6.36 శాతం పడిపోయి రూ.1,47,464కు చేరినట్లు మార్కెట్ నివేదికలు వెల్లడించాయి. అంతర్జాతీయ మార్కెట్‌లోనూ బంగారం, వెండి ధరలు భారీగా తగ్గాయి.

ధరలు ఎందుకు పడిపోతున్నాయి?

అమెరికా డాలర్ బలపడటం బంగారం, వెండి ధరలపై ఒత్తిడి పెంచుతోంది. మరోవైపు అమెరికా ప్రభుత్వ బాండ్ల ఈల్డ్స్ పెరగడంతో పెట్టుబడిదారులు వడ్డీ ఆదాయం లభించే ఆస్తుల వైపు మొగ్గు చూపుతున్నారు. బంగారం, వెండి వంటి ఆస్తులపై వడ్డీ రాబడి ఉండదు. దీంతో బాండ్ ఈల్డ్స్ పెరిగినప్పుడు వీటి ఆకర్షణ తగ్గే అవకాశం ఉంటుంది. అలాగే అమెరికాలో ద్రవ్యోల్బణం కొనసాగుతుండటంతో ఫెడరల్ రిజర్వ్ వడ్డీ రేట్లను మరింత పెంచవచ్చనే అంచనాలు మార్కెట్‌లో నెలకొన్నాయి. టెక్నాలజీ షేర్లలో అమ్మకాల కారణంగా కొందరు పెట్టుబడిదారులు ఇతర ఆస్తుల్లోని తమ పెట్టుబడులను కూడా విక్రయిస్తున్నారని మార్కెట్ విశ్లేషకులు చెబుతున్నారు.

Gold Silver Prices Fall: డిసెంబర్ ఫెడ్ సమావేశంపై అందరి దృష్టి

అమెరికా ఫెడరల్ రిజర్వ్ డిసెంబర్‌లో తీసుకునే నిర్ణయాలు బంగారం, వెండి ధరల తదుపరి కదలికలను ప్రభావితం చేయనున్నాయి. ముఖ్యంగా ద్రవ్యోల్బణంపై ఫెడ్ అంచనాలు, భవిష్యత్తులో వడ్డీ రేట్ల దిశ కీలకంగా మారనున్నాయి. డాలర్ విలువ, అంతర్జాతీయ మార్కెట్ పరిస్థితులను బట్టి బులియన్ ధరల్లో హెచ్చుతగ్గులు కొనసాగే అవకాశం ఉందని విశ్లేషకులు భావిస్తున్నారు. అయితే, ధరలు తగ్గినంత మాత్రాన అవి మరింత తగ్గుతాయని చెప్పలేం. మార్కెట్‌లో అస్థిరత ఎక్కువగా ఉన్న నేపథ్యంలో పెట్టుబడిదారులు జాగ్రత్తగా వ్యవహరించాలని నిపుణులు సూచిస్తున్నారు.

#బిజినెస్
Gold Silver Prices Fall: బంగారం, వెండి ధరలు దేశీయ మార్కెట్‌లో భారీగా పడిపోయాయి. నవంబర్ 20, శుక్రవారం ఉదయం ట్రేడింగ్ ప్రారంభమైన కొద్దిసేపటికే బులియన్ మార్కెట్‌లో అమ్మకాల ఒత్తిడి…