Employment and Jobs : దేశ ఆర్ధిక వ్యవస్థకు పారిశ్రామిక రంగం వెన్నెముక. వ్యవసాయం తర్వాత అత్యధిక ఉపాధి అవకాశాలను కల్పించడంతో పాటు దేశ సంపద సృష్టిలో కీలక పాత్ర పోషించేది పరిశ్రమలే. అలాంటి పారిశ్రామిక రంగం ప్రస్తు తం అనేక సవాళ్లను ఎదుర్కొంటోంది. ఒకవైపు పెట్టుబడుల పేరుతో భారీ ప్రకటనలు, మరోవైపు క్షేత్రస్థాయిలో పరిశ్ర మల స్థాపనలో మందగమనం, ఆశించిన స్థాయిలో ఉద్యోగాల కల్పన లేకపోవడం ఆందోళన కలిగిస్తోంది. ముఖ్యంగా తెలంగాణలో పారిశ్రామిక ప్రగతి గణాంకాలు పరిశీలిస్తే ఈ పరిస్థితి మరింత స్పష్టమవుతోంది. తెలంగాణ ఏర్పడిన తర్వాత పారిశ్రామిక రంగానికి ప్రాధాన్యత పెరిగింది. టీఎస్ఐఐపాస్ వంటి విధానాలతో పరిశ్రమలకు అనుమ తులు వేగంగా ఇచ్చే వ్యవస్థను తీసుకొచ్చారు. అయితే ప్రభుత్వాలు మారుతున్నకొద్దీ పారిశ్రామిక ప్రగతివేగం, Ae పెట్టుబడుల వాస్తవికత, ఉపాధికల్పనపై చర్చ జరగాల్సిన అవసరం ఉంది. తాజాగా వెలువడిన గణాంకాలు రాష్ట్ర పారిశ్రామిక రంగంలో నెలకొన్న ఒడిదుడుకులను వెల్లడిస్తున్నాయి. 2023-24లో తెలంగాణలో 2,493 పారి శ్రామిక యూనిట్ల ద్వారా రూ.24,690.69 కోట్ల పెట్టు బడులు వచ్చాయి. వీటి ద్వారా80,583 మందికి ఉపాధి లభించింది. అయితే 2024-25లో పరిశ్రమల సంఖ్య Am 2,005కు పడిపోయింది. పెట్టుబడులు రూ.11,719.90 కోట్లకు తగ్గగా, ఉపాధి అవకాశాలు 49,523వేలకు పరి మితమయ్యాయి. అంటే అంతకుముందు ఏడాదితో పోలిస్తే ఉపాధి కల్పనలో ఏకంగా 38.5శాతం క్షీణత నమోదైంది. 2025-26లో పరిశ్రమల సంఖ్య 2,160కు పెరిగినా పెట్టుబడులు రూ.10,236.76 కోట్లకు తగ్గాయి. ఉపాధి కల్పన 51,005కు మాత్రమే చేరింది. ఇవి ప్రభుత్వ టీ జిఐపాస్ గణాంకాల ఆధారంగా వెల్లడైన వివరాలను చూసి నట్లయితే దావోస్ సదస్సులు, గ్లోబల్ సమ్మిట్లు, విదేశీ పర్యటనలు, భారీ పెట్టుబడుల ఒప్పందాలు ప్రభుత్వ ప్రచా రానికి ఉ పయోగపడవచ్చు. కానీ వాటి అసలు ఫలితం ఎన్ని పరిశ్రమలు స్థాపించబడ్డాయి.

Employment and Jobs : ఐటీ రంగాల విస్తరణ
ఎన్ని ఉత్పత్తి ప్రారం భించాయి. ఎంతమందికి శాశ్వత ఉద్యోగాలు లభించాయి అనే ప్రశ్నలతోనే కొలవాలి. పెట్టుబడుల ఒప్పందాలు కుద రడం ఒక దశ మాత్రమే. అవి కార్యరూపం దాల్చి ఉత్పత్తి ప్రారంభించినప్పుడే పారిశ్రామిక అభివృద్ధికి నిజమైన అర్ధం ఉంటుంది. దేశవ్యాప్తంగా కూడా పారిశ్రామిక రంగం సవాళ్లను ఎదుర్కొంటోంది. పరిశ్రమలకు వేగంగా అనుమ తులు ఇచ్చేందుకుతీసుకొచ్చిన టిఎస్ ఐపాస్ విధానంపెట్టు బడిదారులకు ఆకర్షణగా నిలిచింది. 2014-23 మధ్యకా లంలో ఈ విధానం ద్వారా 22,776వేలకు పైగా పారిశ్రా మిక అనుమతులు మంజూరయ్యాయి. వీటి ద్వారా సుమా రు రూ.2.60 లక్షల కోట్ల పెట్టుబడులు, 17.55 లక్షలకు పైగా ఉపాధి అవకాశాలు ప్రతిపాదించబడ్డాయి. ఐటీ రం గంలోనూ తెలంగాణ దేశంలో ప్రత్యేక గుర్తింపు పొందింది. 2014-15లో రూ.66, 276 కోట్లుగా ఉన్న ఐటీ ఎగుమ తులు 2022-23 నాటికి రూ.2,41,275 కోట్లకు చేరా యి. అంటే దాదాపు 264 శాతం వృద్ధి నమోదైంది. ఇదే సమయంలో ఐటీ ఉద్యోగుల సంఖ్య 3.71 లక్షల నుంచి 9.05 లక్షలకు పెరిగింది. తొమ్మిదేళ్లలో 5.33 లక్షలకు పైగా ఉద్యోగుల పెరుగుదల నమోదైంది. టీహబ్, టీవర్క్స్, వీహబ్ వంటి సంస్థలద్వారా స్టార్టవ్లు, యువ పారిశ్రా మికవేత్తలకు ప్రోత్సాహం లభించింది. కాకతీయ మెగాటెక్స్ టైల్ పార్కు, వరంగల్ ఐటీటవర్ వంటి ప్రాజెక్టులు హైద రాబాద్కు వెలుపల కూడా పారిశ్రామిక, ఐటీ అభివృద్ధికి బాటలు వేశాయి. ఈ గణాంకాలు తెలంగాణ పారిశ్రామిక, ఐటీ రంగాల విస్తరణను తెలియజేస్తున్నాయి.
-డాక్టర్ మోటె చిరంజీవి