- పదేండ్లు పైబడిన వాటికి ఆరు నెలలకోసారి పరీక్ష
- పీయూసీ చెల్లుబాటు గడువు సవరించిన కేంద్రం
న్యూఢిల్లీ, నవంబర్ 19 : కాలుష్య నియంత్రణ ధ్రువీకరణ పత్రాల (పీయూసీ) చెల్లుబాటు గడువును కేంద్ర ప్రభుత్వం సవరించింది. కొత్త బీఎస్-6 కాలుష్య ప్రమాణాల వాహనాలకు పునరుద్ధరణల మధ్య ఎక్కువ గడువు కల్పి స్తూ, పాత వాహనాలకు తక్కువ గడువునే కొనసాగించింది. నవంబర్ 13న జారీ చేసిన కొత్త నిబంధనల ప్రకా రం, ఆరేండ్ల వరకు ఉన్న ప్రైవేట్ బీఎస్ 6 వాహనాలకు మూడేండ్లకోసారి పీయూసీ ధ్రువీకరణ పత్రం తీసుకోవాల్సి ఉం టుంది.
6- 10 ఏండ్ల లోపు ఉన్న వాహనాలకు ఏటా పునరుద్ధరణ తప్పనిసరి. 10 ఏండ్లు దాటిన ప్రైవేట్ బీఎస్-6 వాహనాలు మాత్రం ఆరు నెలలకోసారి ధ్రువీకరణ పత్రాన్ని పునరుద్ధరించుకోవాలి. బీఎస్-6 రవాణా వాహనాలకూ ఎక్కువ గడువు కల్పించారు. ఆరేండ్ల వరకు ఉన్న రవాణా వాహనాలకు రెండేండ్లకోసారి, ఆరేండ్లు దాటి 10 ఏండ్ల వరకు ఉన్న వాటికి ఏటా పునరుద్ధరణ చేయాల్సి ఉంటుందని పేర్కొన్నారు.