శాన్ ఫ్రాన్సిస్ కో: ఆర్టిఫిషియల్ ఇంటెలిజెన్స్ టెక్నాలజీ(AI Technology) అంశంలో డ్రాగన్ దేశం చైనా నుంచి తీవ్ర పోటీ ఎదురవుతున్న నేపథ్యంలో అమెరికా నేతృత్వంలో అనేక దేశాలు ఆ టెక్నాలజీ రక్షణ కోసం శాన్ ఫ్రాన్సిస్కో డిక్లరేషన్ ప్రకటించాయి. అయితే ఆ కూటమిలో ఇండియా కూడా సంతకం చేసింది. కీలకమైన టెక్నాలజీలు, ఏఐ సప్లయ్ చైన్స్ను పోటీ నుంచి కాపాడుకునే రీతిలో అమెరికా ఓ గ్రూపును ఏర్పాటు చేసింది. ఆ గ్రూపులో ఇండియాతో పాటు దక్షిణ కొరియా, ఖతార్, యూఏఈ సంతకాలు చేసినట్లు అమెరికా విదేశాంగ వ్యవహారాల మంత్రి జాకబ్ హెల్బర్గ్ తెలిపారు. ఈ అంశానికి సంబంధించిన నివేదికను ఫైనాన్షియల్ టైమ్స్లో ప్రచురించారు.
ఇక జర్మనీ, స్వీడన్, నెదర్లాండ్స్, యురోపియన్ కమీషన్ త్వరలో ఈ గ్రూపులో చేరనున్నట్లు తెలిసింది. అగ్రిమెంట్లో సంతకం చేసిన దేశాల్లో జపాన్, ఆస్ట్రేలియా, ఇజ్రాయెల్, యూకే కూడా ఉన్నాయి. ఆర్టిఫిషియల్ ఇంటెలిజెన్స్ సంబంధిత ఉత్పత్తుల సరఫరా, టెక్నాలజీ రక్షణకోసం అమెరికా ఈ కూటమిని ఏర్పాటు చేసింది. పాక్స్ సిలికా పేరుతో ఈ పథకాన్ని కొనసాగించనున్నది. సెమీకండక్టర్లు, క్రిటికల్ మినరల్స్, ఎనర్జీ, అడ్వాన్స్డ్ మాన్యుఫ్యాక్చరింగ్ అంశాల్లో చైనా నుంచి తీవ్ర పోటీ తలెత్తుతున్న నేపథ్యంలో శాన్ఫ్రాన్సిస్కో డిక్లరేషన్ను అమెరికా ప్రకటించింది.